.png "رواية اغلي من الدهب البارت الثاني 2 بقلم نشوه عادل")
رواية اغلي من الدهب الفصل الثاني 2 بقلم نشوه عادل
-نزل جاب الورق وطلع كتب الوصية زى ما قالها عصام
عصام: انا كده بقيت مرتاح الوصية دى امانة برقبتك دلوقتى انا خلصت ضميرى ادام ربنا
ماجد: ان شاء الله ي صاحبى ارتاح انت دلوقتى وربنا يقومك بالسلامة
خرج ماجد وبعد نص ساعة دخلت الممرضة واتفاجئت ان اجهزة القلب واقفة ....الممرضة: دكتور احمد الحقنى
جرى الدكتور ع الغرفة وحاول ينعش القلب لكن كان امر الله نفذ ...خرج احمد بحزن وقال: البقاء لله ي استاذ عاصم
نزل عاصم لمستوى دهب واخدها ف حضنه وهو بيعيط بصوت عالى زى الاطفال لانه كان الاقرب لعصام من كل اخواته .....دهب: عمو هو انت بتعيط ليه والدكتور قال ايه؟!
عاصم مقدرش يرد وفضل يعيط وبعدها روح دهب ع الفيلا وراح يخلص الإجراءات بتاعت الدفن والعزا وعدى اليوم الصعب وراح عاصم مع مراته وابنه ع الفيلا بتاعت عصام
دهب جريت عليه وحضنته: عمو هو بابى فين انا عاوزة اروح اشوفه
عاصم بدموع: بابى مشى راح عند ربنا
دهب: زى مامى يعنى بابى دلوقتى مع مامى صح
عاصم بدموع: ايوة ي حبيبتى
دهب: طب انا عاوزة اروح ليهم انا كمان اعمل ايه اسافر ليهم ازاى؟!
حضنها عاصم بدموع وهو بيطبطب عليها: كلنا هنروح ي حبيبتى بس الله اعلم امتى؟!
دهب بدموع: مليش دعوة انا عاوزة اروح لبابى ومامى مش عاوزة اكون لوحدى
عاصم: انتى مش هتبقى لوحدك ي حبيبتى انا هنا وطنط سمية وفارس ابنى اهو هيكون زى اخوكى وهتلعبوا سوى
دهب بفرحة: الله واخيرا هيكون عندى اخ العب معاه
عاصم: ايوة ي روحى يلا بقى عشان تنامى الوقت اتأخر اوك
دهب: حاضر ي عمو
عاصم لنعيمة: بعد اذنك خديها ع اوضتها وخليكى جنبها لحد ما تنام
فارس: الله البيت الجديد ده حلو اوى ي بابا انا مش عاوز اروح بيتنا تانى عاوز افضل هنا
عاصم: ان شاء الله ي حبيبى تعال يلا عشان اوديك اوضتك عشان تنام
سمية:طب واحنا ي عاصم هنام فين؟!
عاصم: ف اى اوضة ي سمية ما شاء الله الفيلا فيها غرف كتير
سمية: طب ايه رأيك ننام ف اوضة عصام ودهب
عاصم: لا طبعا مستحيل
سمية: ليه يعنى فيها ايه ما خلاص الفيلا بقت بتاعتنا
عاصم: لا مش بتاعتنا لوحدنا واوضة اخويا الله يرحمه هتفضل مقفولة ع حاجته
سمية بزمجرة: طيب طيب ي حسن انت ي حسن
حسن: نعم ي ست هانم
سمية: خد الشنط بتاعتى انا والبيه ووديها ع الاوضة اللى ف اخر الكوريدور
حسن: حاضر
عدى الاربعين وجه ماجد وهو حزين وحس بخنقة والدموع اتجمعت ف عيونه
ماجد: لو سمحت ي استاذ عاصم انت والجماعة ياريت نقعد ف الحديقة برة انا مش قادر اقعد هنا كل زواية بتفكرنى بعصام الله يرحمه
عاصم: تمام اتفضل ي استاذ ماجد
طلع عاصم ومعاه على وعمران اخواته هو وعصام الاكبر وقعدوا مع ماجد اللى فتح الوصية بتاعت عصام وقرأها عليهم وهو الدموع مغرقة وشه وقال: المرحوم كان قلبه حاسس عشان كده كتب وصيته قبل ما يموت بحوالى ربع ساعة يعنى كل واحد هياخد حقه
عمران: الله يرحمك ي عصام وينور قبرك
ماجد: بكرة ان شاء الله هنقسم التركة عليكم ونسجلها بالشهر العقارى
على: ان شاء الله ي متر
ماجد: تمام انا كده عملت اللى عليا وخلصت ضميرى عن اذنكم هكون ف انتظاركم الساعة ١٠ قصاد الشهر العقارى
مشى ماجد وفضل الاخوة التلاتة ....عمران: طيب انا عن نفسى مش بفهم حاجة ف شغل الشركة دى ومش هينفع نعيش كلنا هنا بالفيلا
على: فعلا عندك حق
عاصم: مش فاهم يعنى تقصدوا ايه؟!
على: بالعربى كده ي عاصم احنا مش بنفهم ف شغل العقارات عشان الشركة تفضل شغالة الاحسن نبيعها وناخد حقنا فلوس وكل واحد يعمل بيها اللى هو عاوزه وكمان الفيلا مش هينفع نعيش فيها كلنا مش هنرتاح بسبب مشاكل الحريم
عاصم: انا موافقك ف حكاية الشركة لكن الفيلا دى الحاجة الوحيدة اللى باقية من ريحة المرحوم وانا مش عاوز افرط فيها
عمران: خلاص شوف تمنها كام واعطى كل واحد فينا حقه بما يرضى الله ومبروك عليك الفيلا ي ابن ابويا
على: عين العقل كده احسن
عاصم: خلاص بكرة ان شاء الله نخلص الاجراءات مع المحامى واعطى كل واحد حقه
بالفعل اتفق عاصم مع ماجد ع كل حاجة وقرر ماجد انه ياخد الشركة لنفسه وسابها بنفس الاسم ونفس اللافتة اللى بتحمل اسم عصام وبعد كده خلص عاصم اخواته واصبحت الفيلا ليه لوحده ....بعد فترة....فارس: بابا انا عاوز انقل حاجتى ف اوضة دهب
عاصم: مينفعش ي حبيبى تقعد معاها ف نفس الاوضة عيب
سمية: طب وهو قالك هيكون معاها
عاصم: يعنى ايه؟!
سمية: يعنى مش هيحصل حاجة لما تنقلها اوضة تانية الولد حابب الاوضة دى وعاوزها
عاصم: ايوة بس دى اوضة البنت من زمان حتى الديكور بتاعها بناتى
سمية: يعنى هى المشكلة ف الديكور عادى نغيره عشان خاطر فارس حبيبى هو احنا حيلتنا غيره حرام نزعله
عاصم: يعنى حرام نزعله ومش حرام نكسر بخاطر العيلة اليتيمة اللى جوة دى واللى احنا عايشين ف خير ابوها!
بدأ فارس يعيط بالحاح ...سمية: انا مش فاهمة انت مكبر الموضوع كده ليه انا ابنى اهم من اى حاجة وبعدين هى حتة عيلة زى دى هتتحكم فينا يبقى البيت بيت ابونا والغرب بيطردونا
عاصم: انتى مقتنعة بالكلام اللى انتى بتقوليه ده بيت ابوها اللى شقى وتعب وجابها من الصفر لحد ما بناه
سمية: الكلام ده كان قبل ما يكون لينا ي عاصم اخوك خلاص الله يرحمه وبنته عايشة معانا اهى احلى اكل وشرب ولبس وليها دادة
فارس بعياط: عشان خاطرى ي بابا عاوز اوضة دهب
عاصم باستسلام: حاضر ي حبيبى
نقل عاصم حاجة دهب لغرفة تانية وووو....يتبع
#اغلى_من_الدهب الثانى
#بقلم_نشوه_عادل
